Du Papa, huach amoi,
wos mia dia sogn:
dua doch net olleweil
di sovü plogn.
De Zeit vageht so schnö,
des foit dia sicha auf,
des wos di jetzt erwort
nimmt seinen Lauf.

Vom Herzn sogn wir dir:
wir haum di gern!
Schoit liawa zruck an Gaung,
des wird scho wern.
Du wirst vü Freizeit haum
in deine Pension,
De Mama is dabei,
sie gfreid sie schon.

Wir feiern olle heit
mit dir den Tog.
Da 60ga bsunders is,
gaunz ohne Frog.
Du kennst uns eh guad gnua,
haum dir wos vorbereit.
Jetzt heb dei Glasl hoch,
des woas fia heit.

meinem Papa zum 60. Geburtstag, 8/2021 - gesungen zur Melodie von "Die Sonne neiget sich"