Ernst gnumma wean, mit jedn Gfüh,

des is wohl des wos jeda wü.

Oft mecht ma dazöhn, wia's oan grod geht,

wos se grod duad wia's um oan steht.

"Beiss de Zähnt zaum!" wird daun gsogt -

doch wia's oan geht, net nochegfrogt.

"Reiss di zaum!" is wos ma hört -

ma fühlt se daun, wia waun ma stört.

"Stell di net so aun, so is des Lebn!" -

soiche Rotschläge duads zu Genüge gebn.

Ma woaß genau, se moanan es guad.

Se sogn es hoid, weil mas so duad.

Se gebn an Rot, der oan daschlogt.

A Weisheit noche, de eh nix sogt.

Doch a guada Zuhörer der sogad net vü -

der mochads gscheida, der bleibad stü.