I schau di aun und siach dei Kroft,

du hostas durchn Asphalt aussa gschofft.

Wia host des gmocht? Des frog i mi -

gaunz ehrlich? I bewundat di.

Jetzt stehst du do in volla Procht,

host de Stroßn zu deina gmocht.

Beim Wochsn host des nu net gwisst,

dass du auf dem Platzl allanig bist.

Doch es woa dir egal, du woast im Vatraun,

duast stoiz da Sunn entgegn schaun.

Fest und stoak, so stehst du do,

und i genieß dein Aunblick so.

Du stroihst, i kaun dei Leichtn sehn,

aundächtig dua i vor dir stehn,

und moch gaunz kurz de Augn zu -

a bissl wünschad i, i wa wia du.