Moch dir kane Sorgn,

net üwas Heite, net üwas Morgn.

De Ängste, de di jetzt plogn

und deine vü’n „Warum?“-Frogn,

de Zweifel und dei schwoche Seitn,

duan di a Randl nu begleitn.

Doch i vasprich dir heit:

Du triffst auf bsundare Leit!

De duan di in dein Lebn begleitn,

mit dir gemeinsaum Höhn und Tiefn bestreitn.

Oan Schritt nochn aundan wirst du gehn

und mit Sicherheit imma mehr Liacht in da Dunklheit sehn.

Und des Tal, durch des du heite gehst,

bringt di duat hin, wo du in 10 Joahr stehst.

In deine Mittn, zu dir söba hin –

und schau amoi, wia großoartig i wordn bin.