Vüle große Schritte bist du scho gaungen,
bsondere Momente san auf Fotos eigfaungen.
Dei erster Schrei erst gestern woar,
dei erstes Wort mit knopp oan Joahr.
Dei erster Schritt, so stoiz woar i,
de Zeit vageht so schnö dahi.
Kindergoartn und Schule san vorbei,
morgn wird dei erster Orbeitstog sei.
Nochdenklich wirkst, wenn i di heit so seh -
mein Sohn, dein nächstn großn Schritt wirst du morgn geh.
A neuer Obschnitt beginnt in dein Lebn,
und i mecht dir von Herzn nu wos mitgebn:
sei so wiast bist, vertrau auf di,
du gehst DEIN Weg, vagiss des nie.
Du bist perfekt, so wia du bist,
des hob i ob dein erstn Schrei scho gwisst.

meinem Sohn Marcel, 7/2019